De dispensatione a forma canonica matrimonii

Patres Pontificiae Commissionis Codici Iuris Canonici Authentice Interpretando [d:98], propositis in plenario coetu diei 14 maii 1985, quae sequuntur dubiis, respondendum esse censuerunt ut infra ad singula:
D. Utrum extra casum urgentis mortis periculi Episcopus dioecesanus, ad normam can. 87, § 1 [30|87], dispensare valeat a forma canonica in matrimonio duorum catholicorum. R. Negative. Summus Pontifex Ioannes Paulus II in Audientia die 5 iulii 1985 infrascripto impertita, de supradictis decisionibus certior factus, eas publicari iussit. Rosalius Iosephus Card. Castillo Lara,
Praeses Iulianus Herranz,
a Secretis